«Д.Қонаев атындағы аграрлық-техникалық колледжі» МКҚК-да 07161300 – «Автомобиль көлігіне техникалық қызмет көрсету, жөндеу және пайдалану» мамандығы бойынша білім алатын АЭЛ 11-241 және АЭЛ 11-242 топтарының студенттері қорытынды демонстрациялық емтихан тапсырды.
Емтихан барысында студенттер «Автомобиль электр жабдықтарын жөндеу жөніндегі электрик» біліктілігі бойынша алған теориялық білімдері мен практикалық дағдыларын көрсетті.
Қорытынды демонстрациялық емтихан CIS (құзыреттілікке негізделген бағалау) жүйесі бойынша ұйымдастырылып, білім алушылардың:кәсіби құзыреттілігін;
практикалық дағдыларын;
өндірістік ортаға бейімділігін;
заманауи автомобиль электр жабдықтарымен жұмыс істеу қабілетін;
қауіпсіздік талаптарын сақтау деңгейін бағалауға бағытталды.
Демонстрациялық емтихан – студенттердің оқу барысында қалыптастырған кәсіби шеберлігін нақты өндірістік жағдайларға жақын ортада көрсетуіне мүмкіндік беретін маңызды кезең.
АЭЛ 11-241 және АЭЛ 11-242 топтарының студенттеріне сәттілік, кәсіби жолдарында биік белестер мен толағай жетістіктер тілейміз!Бүгінгі студент – ертеңгі білікті маман!
Кәсіби шеберлік – болашаққа сенімді қадам!
