Д.Қонаев атындағы аграрлық техникалық колледж МКҚК кітапханасында «Оқуға құштар колледж» жобасы аясында «Өзім оқып шықтым, сізге де оқуға кеңес беремін» атты библио-кросс ұйымдастырылды.
Библио-кросстың басты мақсаты – студенттер мен оқырмандардың кітап оқуға деген қызығушылығын арттырып, оларға әдебиет әлемінің әсемдігі мен байлығын көрсетуді көздеу болды. Іс-шара барысында студенттер өздері оқып шыққан кітаптар туралы ойларын ортаға салды. Әрбір қатысушы өзіне ерекше ұнаған кітапты таныстырып, оның мазмұны мен негізгі идеяларын қысқаша баяндап берді. Сонымен қатар, олар оқыған кітаптарын бір-біріне кеңес ретінде ұсынып, жаңа туындыларды іздеуге ынталандыруды ұсынды.
Әркім өздерінің сүйікті авторлары мен туындыларын айтып, әдебиет әлеміндегі жаңалықтар мен маңызды шығармалар туралы қызығушылықпен әңгімелесті.
Студенттер арасында пікір алмасу, идеялармен бөлісу және әртүрлі кітаптарға деген қызығушылықтарын көрсету шараның маңызды нәтижесі болды.