Ұстаз.Ұстаз деген сөздің астарында қаншама мән – мағына, білім мен ғылым, махаббат пен сүйіспеншілік жатқанын байқай бермейміз.Ұстаз болу әркімнің қолынан келе бермейтін мамандықтың бірі. Шәкірттерді тәрбиелеу, қанаттандыру, биікке шығару, оны жан дүниесімен түсіну тек қана ұстаздардың қолынан келетін қасиеттер. Ұстаздардың еңбегін ұлы ететін өздері емес, оның, шәкірттері. Білім нәрімен сусындатып үйретуден талмаған ұстаздың сан жылдар бойы еңбегінің жемісі – аяулы әрі білімді шәкірті. Бәйгеден оза шауып, мыңнан тұлпар, жүзден жүйрік келген шәкірт үшін ұстаздың қуанышы елестетуге келмейтін сезім. 2007 жылы мен де оқуды аяқтап, қолыма диплом алып жұмысқа орналастым. Шәкірттер үшін «Ұстаз» деген атқа ие болдым. Міне, 17 жылдан астам сол ұлы есімді абыроймен ақтап келемін.
«Адамның адамшылдығы жақсы ұстаздан» деп Абай атамыз айтпақшы, әрбір ісіңіз жеңіске жетіп жатса, оның артында ұстаздың бір тамшы болса да еңбегі барын есте сақтаңыз.
А.Мухитдинов
Д.Қонаев атындағы
аграрлық техникалық колледждің
қазақ тілі мен әдебиеті пәні оқытушысысв