Мен Абдикаримова Наргиза Муминжановна, «Химия сабағында студенттердің білімін тереңдету және қызығушылығын арттыру үшін қолданылатын әдіс тәсілдер» тақырыбында өз тәжірибеммен бөлісемін.
1. Тәжірибе жасау әдісі (Лабораториялық жұмыс)
– Студенттер өздері тәжірибе жасап, реакциялардың жүруін көзбен көреді.
– Бұл тәсіл теорияны практикамен ұштастыруға көмектеседі.
Мысалы: қышқыл мен негіздің бейтараптану реакциясы.
2. Сыни тұрғыдан ойлау әдістері
– «Insert», «Ойлан – Жұптас – Бөліс», «Блум таксономиясы» тәсілдері арқылы студенттерге сұрақ қойылады.
– Студенттердің логикалық және талдау қабілеті дамиды.
3. Жоба әдісі
– Студенттер берілген тақырып бойынша жоба дайындайды (мысалы, «Судың химиялық құрамы»).
– Бұл әдіс оқушының іздену, ақпаратпен жұмыс істеу қабілетін дамытады.
4. Интерактивті әдістер
– «Кім жылдам?», «Химиялық домино», «Сөзжұмбақ», «Химиялық боулинг» сияқты ойын элементтерімен өткізіледі.
– Сабақ қызықты, есте қаларлық болады.
5. Деңгейлік тапсырмалар
– Студенттердің білім деңгейіне қарай тапсырмалар беріледі.
– Әркім өз қарқынымен жұмыс істей алады.
6. Цифрлық технологиялар қолдану
– Kahoot, Quizizz, PhET симуляторлары арқылы студенттермен кері байланыс жасау. Қорыта келе, химия сабағында түрлі әдіс-тәсілдерді тиімді қолдану студенттердің пәнге деген қызығушылығын арттырып, білімін тереңдетуге зор ықпал етеді. Лабораториялық тәжірибелер арқылы теориялық білім практикамен ұштасып, студенттердің пәнге деген сенімі мен қызығушылығы артады. Сыни тұрғыдан ойлау стратегиялары, жобалық жұмыс, интерактивті ойындар мен деңгейлік тапсырмалар әр студенттің қабілетіне қарай жұмыс істеуіне мүмкіндік береді. Сонымен қатар, цифрлық технологияларды тиімді пайдалану – қазіргі заманғы білім беру үрдісінің ажырамас бөлігі.
Бұл әдістер студенттердің танымдық белсенділігін арттырып, химияны күнделікті өмірмен байланыстыра отырып, білім алуға деген ынтасын күшейтеді. Болашақта да сабақта осы тәсілдерді жүйелі түрде қолданып, заманауи талаптарға сай білім беру – басты мақсатым.