«Д. Қонаев атындағы аграрлық-техникалық колледжі» МКҚК-ның орыс тілі және әдебиеті пәнінің оқытушысы Гултораева Лалахан Гултораевна өз кәсіби жетістіктерімен бізді қуантты.
2024 жылы Алматы қаласындағы «Көкжиек» республикалық ғылыми-әдістемелік орталығында оның «Синтаксис русского языка» тақырыбындағы авторлық бағдарламасы жарық көрді. Бұл бағдарлама орыс тілінің синтаксисін тереңдетіп оқытуға арналған құнды әдістемелік құрал болып табылады.
Сонымен қатар, «UZDIK USTAZ» журналында оның «Формирование навыков слушания и говорения на уроках русского языка в рамках обновления образования» атты мақаласы жарияланды. Бұл мақалада жаңартылған білім беру аясында орыс тілі сабақтарында тыңдау және сөйлеу дағдыларын қалыптастырудың тиімді әдістері қарастырылған.
Бұл еңбектер педагогтің шығармашылық ізденісінің, кәсіби біліктілігінің және жаңашыл көзқарасының жарқын дәлелі. Ұстазымызды осы жетістіктерімен шын жүректен құттықтаймыз! Оған алдағы уақытта да шығармашылық табыс пен толағай жетістіктер тілейміз!